Transcription
1
Monsieur, je vous envoye le sieur du Chasteau pour les raisons qu’il vous
2
dira, à quoy vous adviseres, et par luy me feres entendre votre volunty
3
suyvant laquelle je m’y governeray de sorte que vous en aures
4
contentement. Au reste, je n’ay point envoyé voz lettres à monsieur
5
d’Ourche, tant parce que il a heu affaire de ses soldatz, que
6
parce que je suys resolu tandis qu’il vous plairra que je
7
garde ceste place n’y recepvoyr jamays soldatz qui ne
8
soys du tout à ma devotrion, et dont je n’aye bone asseurance
9
de longue main. Parquoy je vous supplie m’escuser et imputer
10
cela à la jalouzie que j’ay de m’en servir duquel je ne
11
me veux fier en homme du monde que bien à poinct,
12
mesmes ayant tant d’examples devant les yeux des
13
traysons qui se comettent journellement. Je vous supplie
14
aussi ne me reffuser une crue de huict soldatz
15
et quatre vingt livres pour les payer aultrement
16
vous ne feres croyre que vous m’aves entierement mis
17
en obly, et finablement ne souffrir point que l’espargne
18
de si petite despence vous fasse garder une place
19
à ung serviteur que vous n’en aves guieres de
20
semblables. Car je vous puys bien asseurer que vous
21
ne perdres jamays l’un sans l’aultre. Surce je
22
me recommande treshumblement à votre bone grace et
23
prie Dieu
24
monseigneur, vous avoyr en sa saincte garde, de
25
Grane, ce XVIIe de mars 1574
26
Votre treshumble serviteur
27
L. de Brianson